نازىمبەك مولداحمەتوۆ باسقاراتىن «اقجەلەڭ» ءانسامبلى قازاقستان اتىنان قاتىسىپ, قازاق ونەرىن مىسىرلىقتارعا تانىتپاق. ءانسامبلدىڭ ۇلتتىق اسپاپتاردىڭ قۇلاعىندا وينايتىن 15 مۇشەسى حالقىمىزدىڭ كۇي ونەرىنىڭ نەبىر عاجاپ ۇلگىسىن تىڭداتادى. انسامبل بۇل جولى رەپەرتۋارىنا تاتتىمبەتتىڭ, قۇرمانعازىنىڭ بىرنەشە كۇيلەرىمەن قاتار, ەرمۇرات ۇسەنوۆتىڭ وسى ۇجىمعا ارناپ جازعان «التىن دالا» شىعارماسىن دا قوستى.
ء«بىزدىڭ انسامبل انشىلەردى سۇيەمەلدەيتىنى قوستانايلىق كورەرمەندەرگە ءمالىم. بىراق فەستيۆال شارتىنا وراي بۇل جولى انسامبلمەن بىرگە انشىلەر بارمايدى. انسامبل مۋزىكانتتارى مىسىردى قازاق مۋزىكاسىمەن ءتانتى ەتەرىمىزگە سەنەمىز» دەيدى نازىمبەك مولداحمەتوۆ.
بۇل ونەر ۇجىمىنىڭ العاشقى ونەر ساپارى ەمەس. 1994 جىلى قۇرىلعان انسامبل وسىعان دەيىن ءوز ساحناسىمەن قاتار, گوللانديا, رەسەي, كورەيا, فرانتسيا جانە گەرمانيا ەلدەرىندە بولىپ, قازاق ونەرىمەن وزگە جۇرتتى تالاي تاڭداي قاقتىرعان.
ءنازيرا جارىمبەت,
«ەگەمەن قازاقستان»
قوستاناي
